Amigas da Terra participará no “IV Encontro de Axentes Socioeducativos. Formación mutua para vincular accións, saberes e territorio“ organizado polo Grupo de Investigación Esculca, unha actividade que pretende fomentar o encontro entre entidades rurais, alumnado e profesorado que teñan interese na posta en práctica da metodoloxía Aprendizaxe-Servizo vinculada ao medio rural.
Participaremos pola tarde nas mesas redondas sobre a creación de procesos e proxectos comunitarios e falaremos das comunidades enerxéticas e das súas posibilidades de impulsar a soberanía enerxética
CANDO? o 1 de xuño de 2023
ONDE? no Centro Sociocultural de Bugallido-Ames
Para facilitar a participación e reducir o uso de coches, habilitarase o desprazamento dende a estación intermodal de Santiago de Compostela en dous turnos de ida e volta:
- IDAS: 09:00 e 14:00
- VOLTAS: 16:15 e 19:15
Haberá un xantar común proporcionado pola Asociación Darredor
A inscrición será gratuita na seguinte ligazón
Este encontro está recoñecido como actividade formativa pola USC, tanto para o estudantado polo Servicio de Participación e Inclusión Universitaria como para o PDI polo Programa de Formación e Innovación Docente (PFID).
Leave A Comment