A incapacidade absoluta do sistema de coidar a vida humana e a natureza é hoxe máis patente que nunca. O contexto de limitación, non ten por que ser un impedimento para alzar a nosa voz sempre, e máis aínda neste día clave. Podemos facelo con creatividade, seguridade e unión.
Expresar a nosa desconformidade con este sistema patriarcal que prioriza a economía sometendo a vida en xeral e, sobre todo a das mulleres e a natureza segue sendo imperante. Desde o espazo que consideres que é seguro para ti e para as persoas que che rodean, animámosche este 8 de marzo a levantar a túa voz. Mira aquí a axenda das accións organizadas en toda Galicia.
Este 8 de marzo 2021 e sempre, Amigos da Terra unímonos ao movemento feminista e de mulleres para denunciar un sistema capitalista, patriarcal e opresor e para reivindicar os nosos dereitos e a nosa liberdade para autodeterminar as nosas vidas, os nosos corpos e os nosos territorios en sintonía coa natureza e os seres que a habitan.
Porque sen Xustiza de Xénero, non haberá Xustiza Social nin Medioambiental.
Leave A Comment