O 28 de xaneiro en Vigo, está convocada a 3ª e derradeira mesa sectorial de participación pública activa na elaboración do Plan Hidrolóxico Galicia-Costa (promovido por Augas de Galicia da Consellería de Medio Ambiente, Territorio e Infraestruturas).
Amigos da Terra asistirá a esta 3ª mesa de participación logo de asistir ás anteriores nas que fixeron aportacións no tocante as eivas e carencias que presenta o borrador.
Todos os cidadáns que o desexen poden deixar as súas suxestións ao borrador na seguinte dirección: xuridico@amigasdaterra.net. Amigos da Terra redactará un documento que presentará o día 27 en Vigo recollendo as manifestacións e posturas que se acheguen. Para todo isto, é moi importante que se analicen os contidos do plan de cara a obter os mellores resultados nesta 3ª mesa anterior á publicación oficial do Plan.
Leave A Comment