Tras un parón de tres anos este ano retomamos a posta en marcha das VII Xornadas de Agroecoloxía de Ourense.
Amigos da Terra, xunto cos colectivos A Galleira, Cineclub Padre Feijoo, Semente, Sustinea e Xurumelas. Entre o 3 e o 9 de abril teremos visitas a produtoras, palestras informativas, obradoiros, petiscadas e concertos, no cartel podedes ver o resumo de todas as actividades.
Na actividade de hoxe, organizada por Amigos da Terra, contaremos coa presenza do noso compañeiro Víctor Barro que, ás 20:00h na cafetería Moucho (Concordia, 17), achegarános a súa experiencia, vital e fotográfica, do contacto con comunidades do sudeste asiático afectadas polo aumento da superficie adicada ao cultivo de palma co relatorio “Violacións dos dereitos humanos, deforestación e “donuts”. O caso da industria do aceite de palma”.
Leave A Comment