Amigos da Terra convídavos a participar nas II Xornadas de Rastros e Sinais da Fauna o día 14 de marzo no Centro de Educación Ambiental As Corcerizas.
Mentres que observar a vexetación é sinxelo, xa que esta forma parte imprescindible da paisaxe, a observación directa da fauna salvaxe no seu medio natural é moito máis complexo, de aquí que un dos métodos máis utilizados polos/as naturalistas, sexa a búsqueda e o estudo dos rastros e pegadas dos animais.
Nesta xornada daremos a coñecer de xeito práctico a actividade dos animais no seu propio medio á vez que aprenderemos a observar con detemento escenarios, restos e indicios que deixan ao seu paso.
Se ademais queredes aproveitar a fin de semana na Serra San Mamede, Amigos da Terra, ofrece servizo de albergue o sábado pola noite.
Leave A Comment