Como ecoloxistas traballamos pola xustiza e contra todo tipo de desigualdade.
Por este motivo, sumámonos á folga laboral, a folga de coidados e a folga de consumo do 8 de marzo. Xuntas imos loitar para lograr a igualdade nas nosas sociedades.
Somos todas! Ven á manifestación!
Esta mobilización é posible grazas á alianza de mulleres que durante séculos defenderon os nosos dereitos. A lista de mulleres activistas para conseguir a igualdade real vai en aumento. É a mobilización multitudinaria, continua e transversal a que nos permitirá acadar dunha vez por todas os dereitos que a historia patriarcal nos negou durante milenios.
Mulleres campesiñas, mulleres urbanas, todas nos sumamos a esta loita que medra de forma imparable.
Somos todas. Xuntas, paramos o mundo nunha folga sen precedentes que seguirá nutrindo e afianzado o movemento feminista. Na actualidade a pobreza e a precariedade laboral afectan principalmente as mulleres, tan só en España gañamos un 35% menos de media que os homes.
En Amigos da Terra loitamos pola xustiza social e a xustiza ambiental, pero estes obxectivos non serán posibles sen a xustiza de xénero, que afecta a todas as facetas da nosa vida.
Por estes motivos unímonos á folga feminista, para sumar e visibilizar que somos todas as que apoiamos e formamos parte da loita feminista.
Únete!
Manifestación en Vigo: Ás 12 horas dende a Vía Norte (esquina con Urzaiz) e rematará coa lectura do manifesto na Praza do Berbés
Convocatorias manifestacións locais
Leave A Comment