Esta fin de semana, 28 e 29 de marzo, terá lugar no Centro de Educación Ambiental de As Corcerizas, a Asemblea Estatal de Amigos de la Tierra España.
Durante estas dúas xornadas os membros das distintas sedes españolas (Andalucía, Aragón, Islas Baleares, Comunidad de Madrid e Galicia), reuniranse na Serra de San Mamede para facer balance do todo o acontecido o pasado ano nas diferentes sedes, presentar as memorias de xestión e actividades, así como os novos plans de traballo para este 2009.
Así mesmo, tamén teremos tempo para realizar unha visita guiada polos equipamentos, para que todos os membros poidan coñecer o funcionamento e as melloras introducidas neste Centro de Educación Ambiental, pioneiro en Galicia e referente a nivel estatal no uso de enerxías renovables para o seu autoconsumo, no eido da bioconstrución, e no tratamento alternativo dos residuos, a través da compostaxe da materia orgánica e do tratamento biolóxico das augas residuais.
