O 5 de xuño celébrase o Día Internacional do Medio Ambiente e foi a data escollida para desenvolver no Centro de Educación Ambiental As Corcerizas, as II Xornadas de formación xuridico-ambiental.
Tal e como aconteceu o pasado ano, alumnos e alumnas do Máster Oficial de Dereito Urbanístico e do Medio Ambiente da facultade de Dereito de Ourense, daranse cita no Centro. Ao longo de dous días, alumnos e docentes levarán á práctica os coñecementos adquiridos e prestados durante o ano na formación da Universidade.
Avogados e arquitectos comprobarán a realidade da xestión dun Lugar de Importancia Comunitaria integrado na Rede Natura Europea e as construcións bioclimáticas e arquitectonicamente sustentables do Centro As Corcerizas.
Persoal técnico da asociación informarán, ademais, sobre as técnicas de autoabastecemento do Centro a través das enerxías renovables e sobre a necesidade de salvagarda dun espazo natural legalmente recoñecido. Estas actividades, virán a completar a fin de semana que traslada a clase da facultade á aula do Centro, coa presenza de poñentes como a Dra. Dña. Patricia Valcárcel Fernández ou o abogado D. Rubén Rodríguez Escobar.
Amigos da Terra organiza estas xornadas xunto á coordinación do Máster DUMA, e celebrarán a súa segunda edición.
Leave A Comment