Organismos estadounidenses, doadores como a Fundación Gates e o xigante agroindustrial, Monsanto, están a tratar de forzar aos estados africanos, ata agora remisos, a aceptar sementes e organismos modificados xeneticamente (OMX), que aínda non foron suficientemente estudados, segundo o novo informe, ” Quen se beneficia dos cultivos transxénicos? ” que publicamos hoxe mesmo.
Estados Unidos, o maior produtor mundial de cultivos transxénicos, está a buscar novos mercados para os cultivos estadounidenses de OMX. A estratexia da súa Administración consiste en prestar asistencia aos países africanos para definir as súas leis de bioseguridade co fin de promover os intereses das multinacionais biotecnolóxicas, sen importar as ameazas dos cultivos transxénicos para a poboación. O novo informe mostra como o xigante da agroindustria, Monsanto, inflúe na lexislación sobre bioseguridade, obtendo a aprobación regulamentaria para os seus produtos, deixando o camiño libre aos seus cultivos, como o millo transxénico.
Polo momento, só catro países de África -Burkina Faso, Exipto, Sudáfrica e Sudán- permitiron a entrada de cultivos transxénicos comerciais.
A diferenza de Europa e outras rexións onde as leis de bioseguridade levan anos en vigor, a maioría dos países africanos aínda carecen de normativas relativas aos transxénicos. Na actualidade só sete países contan con marcos legais de bioseguridade.
“Los gobiernos africanos deben proteger a su ciudadanía y respetar sus derechos. Estamos hablando de la alimentación básica de millones de africanos, por lo que no solo es necesario establecer mecanismos de control, sino prohibir los transgénicos en cada uno de los estados africanos“, declarou Liliane Spendeler, directora de Amigos de la Tierra España.
Na última década, a nivel mundial, a introdución de cultivos transxénicos estivo controlada por leis e regulacións de bioseguridade. Pero, ademais, gran parte da cidadanía, principalmente en Europa, opúxose frontalmente tanto aos cultivos como aos alimentos transxénicos.
“Os agricultores sudafricanos teñen máis de 16 anos de experiencia no cultivo de millo, de soia e algodón transxénicos, non obstante a promesa de que estes organismos poderían ser clave para a seguridade alimentaria non se materializou. De feito, segundo o informe, os niveis de seguridade alimentaria están a diminuír: case a metade da poboación se ve afectada pola falta de alimentos, a pesar de que Sudáfrica exporta millo“, sinalou Haidee Swanby del Centro Africano para a Bioseguridade e autora do informe encargado pola nosa federación internaciona, Friends of the Earth International.
“A experiencia de Sudáfrica confirma que os cultivos transxénicos só poden traer beneficios para un pequeno número de agricultores cun nivel económico alto, e por suposto ás empresas que introducen as sementes no mercado. A gran maioría dos agricultores africanos son pequenos campesiños que non poden permitirse o luxo de probar sementes cun alto prezo, que necesitan agrotóxicos, como fertilizantes sintéticos e produtos químicos”, concluíu Swanby.
Do 24 ao 27 febreiro, delegados de Amigos da Terra imos participar no Foro Internacional de Agroecoloxía no Centro de Nyéléni en Sélingué, Maliano. As organizacións asistentes ao foro, que representan millóns de pequenos produtores de alimentos a pequena escala, consideramos que os cultivos modificados xeneticamente son parte do problema, non a solución, da fame, do cambio climático, da perda de biodiversidade e doutras crises ás que se enfronta a humanidade. Consideran que a agroecoloxía e a soberanía alimentaria son claves para loitar contra estas crises. A afirmación aválaa Olivier de Schutter, relator especial de Nacións Unidas sobre o dereito á alimentación en 2011, que publicou un informe onde demostraba que a agroecoloxía podería duplicar a produción de alimentos.
