A xornada de ecovixías organizada por Alberto Rivero e Amigos da Terra a pasada fin de semana, para conmemorar o Día Mundial dos Humedais, resultou todo un éxito.
Un total de 25 persoas, procedentes de Santiago de Compostela, Vigo, Redondela, Cangas, O Carballiño, Verín, Celanova, Xinzo e Ourense desfrutamos dun agradable día realizando unha andaina pola zona da Lagoa de Antela, visitando as areeiras e o observatorio de aves.
Algunhas das especies de aves que puidemos observar foron cegoñas e os seus niños (tanto naturais como artificiais), cormoráns, gansos, diferentes familias de parrulos e bandos de avefrías. Tamén tivemos a sorte de poder ver outras especies menos comúns, como son os gansos de Exipto.
Así mesmo, comprobamos como eran as construcións tradicionais da xente que vivía na Lagoa de Antela, feitas con terróns de area, herba e palla.
Xa pola tarde, visitamos o monumento natural da “Carballa da Rocha”, en Rairiz de Veiga e a zona das Veigas, unha das poucas que conservan a paisaxe orixinal da Lagoa de Antela.
Dende Amigos da Terra temos previstas máis ecovixías para este 2010, no só cun compoñente lúdico, senón para facer denuncia ambiental. Temos previsto visitar a zona da Riberia Sacra, o río Loña e o río Támega. En breve os informaremos das datas concretas destas ecovixías.
