Publicamos un informe no que se calcula o emprego que poden xerar diferentes medidas para protexer aos polinizadores

A restauración ecolóxica e a formación para a transición son as dúas liñas clave do estudo

A polinización é clave para a vida humana. O 70% dos cultivos necesitan da mesma para producirse, con todo, estímase que un 40% dos insectos desaparecerá nas próximas décadas

Presentamos o informe “A Conservación dos polinizadores: unha oportunidade para crear emprego”, a través do cal cuantificamos o número de postos de traballo que poderían xerarse para atallar o declive dos polinizadores, un dos grupos de animais máis ameazados, e para cuxa protección existen diversos compromisos internacionais.

O informe céntrase en dous eixos principais, por unha banda na restauración ecolóxica de campos agrícolas a través de medidas como a plantación de sebes nas marxes agrícolas ou a creación de charcas, e, polo outro, na formación de persoas traballadoras para transitar cara á sustentabilidade en agricultura e en xardinería, tanto no sector privado como na administración pública. Baixo estes parámetros de respecto á biodiversidade e a un traballo digno, no informe calcúlase a creación de máis de 28.000 postos de traballo nos próximos anos.

O período actual caracterízase por unha alta taxa de extinción de animais, trátase da Sexta extinción masiva, que avanza a un ritmo vertixinoso. Os insectos extínguense 8 veces máis rápido que os grupos de vertebrados, o que esixe unha acción rápida para reverter a situación. De feito estímase que, a finais de século, desaparecerán máis do 40% dos insectos a pesar de que o 70% dos cultivos para alimentación necesitan da polinización.

En canto ás causas, é difícil establecer unha relación inequívoca en canto á extinción de insectos. Probablemente, destaca a perda de hábitat, con máis do 75% da superficie terrestre degradada polo ser humano, especialmente para uso agrícola. Ademais, os animais vense afectados por substancias tóxicas como os praguicidas ou os funxicidas, e, doutra banda, o cambio climático coas vagas de calor e as secas tamén lles afecta directamente.

Esto sucede, ademais, nun momento político onde a nivel europeo, tanto a Lei de Restauración da Natureza, como a Directiva de Uso Sostible de Pesticidas, que deben ser aprobadas de forma inminente, están en risco polas presións da industria. Desde Amigas da Terra reclamamos ao Goberno español que defenda a nivel europeo políticas de restauración de ecosistemas así como a redución de pesticidas, ademais do compromiso de mellorar os acordos alcanzados a nivel estatal.

Destacamos a función indispensable que brindan os insectos, como a polinización ou o control de pragas, que chegan a representar un 12% anual das ganancias do sector agrícola da UE. E recalcamos que é clave apostar pola protección dos ecosistemas e, en concreto dos polinizadores, para garantir a saúde da biodiversidade e unha vida digna para as persoas traballadoras.