O vale agasallo de Alargascencia non é calquera vale, porque Alargascencia non é ningunha tenda, senón un directorio de establecementos de segunda man, reparación e aluguer de obxectos.

Un vale de Alargascencia consiste en desenvolver a túa creatividade xunto á persoa á que regalas para atopar tendas de segunda man ou localizar ese obxecto que queredes arranxar ou transformar e levalo a algún dos comercios de Alargascencia. É un agasallo para a persoa que queres, co que contribúes ao comercio local e ao medio ambiente, xa que non malgastas recursos naturais, nin xeras residuos.

Ás veces non sabemos que regalar, e en moitos casos nin sequera sabemos que queremos que nos regalen. E entón sempre nos dicimos “é que temos de todo”. Esta frase queda facendo eco por uns segundos na nosa cabeza e plof!, por encantamento desaparece, e aínda que teñamos claro que temos practicamente de todo, non abandonamos a dinámica de regalar calquera cousa, por inútil que nos pareza esa mini-neveira recentemente comprada. E é que regalar está moi ben, a todos nos gusta recibir un agasallo das persoas que nos importan e, á súa vez, facerlles saber que nos importan con outro agasallo. Non podemos reinventar a roda, pero si mellorala.

As festas están ben, con todo imos notando o hartazgo xeralizado que produce tanto consumismo desenfreado.

Comprar, comprar, comprar e tirar, tirar, tirar. Non reparamos nos danos sociais e ambientais asociados a esta forma de vida, un patrón completamente imposto e aceptado polo noso imaxinario colectivo, a base de publicidade e máis publicidade. Pero e se nos saímos desa roda? E se lle damos unha volta?

Por que regalar Alargascencia?

Imos propoñerche un exercicio, rebusca no teu armario. Ás veces estes espazos, aínda que pequenos, parecen un pozo sen fondo, e vas atopando roupa e outras cousas que crías perdidas. Se pensabas que se perderon é posible que non lles deches moito uso, é o momento de refacer o teu armario con esas pezas esquecidas. Por que? Só para que te fagas unha idea do custo dunha simple camiseta de algodón, e unicamente baseándonos en solo e auga, utilízanse 3.900 litros de auga e 4,2 m2 de solo. Parece imposible, pero son datos contrastados e verificados, que poderás comprobar no informe de Amigos da Terra, “A pegada dos teus pasos”.

Volvemos ao noso exercicio. Atopáches unha cremallera rota, unha peza á que tes moito agarimo, pero que está un pouco vella ou sentes que está pasada de moda? Non as tires tan pronto!, lévaas a un taller de costura, seguro que poden facer un bo apaño. En alargascencia atoparás varias tendas deste tipo, e en moitos casos non só arránxanas, senón que as transforman en pezas orixinais e únicas, é o caso de AltrapoLab ou Recosturéate en Madrid ou La Canalla en Vigo.

Desta forma, teremos unha peza moi especial, non desaproveitaremos recursos naturais e non apoiaremos a un sector téxtil que, a pesar de contar con cuantiosos beneficios, escraviza á xente por todo o planeta.

Alargascencia axúda a distribuír o existente, arranxando o que necesitas e compartindo o que non é imprescindible para ti mediante o intercambio, a recollida, recuperación, troco, aluguer e o cambio de man.

Gústache a idea? Seguro que á persoa á que regalas Alargascencia pásalle o mesmo.

Comparte e regala o que realmente necesitas, imos dar outra oportunidade ao xa existente sen desperdiciar recursos. Fai un agasallo diferente con Alargascencia!