Nos EE.UU é habitual lavar ou somerxer en cloro polos, pavos, porcos e outros tipos de carne. Suponse que estes chamados “tratamentos de redución de patóxenos”, como o cloro ou o ácido, serven para reducir bacterias prexudiciais, non obstante este tipo de desinfectantes permite disimular calquera contaminación ou enfermidade que sufrise a carne, é xusto por esta razón polo que está prohibido en Europa.
Na UE, as normativas de hixiene e precaución de enfermidades téñense en conta ao longo de toda a cadea alimentaria, mentres nos EE.UU., a carne se desinfecta ao final do proceso, enmascarando posibles enfermidades do gando.
Xa en 1997 a UE prohibiu a maioría destas prácticas (permitindo só enxaugar a carne con auga). Esta visión de prevención garante un nivel bastante alto de hixiene en todas as etapas da produción de alimentos, mantendo o enfoque “do terreo ao prato”.
A UE xa anunciou que non vai ceder á presión de Estados Unidos nas negociacións comerciais sobre estas normativas. Paradoxalmente, a Comisión Europea xa intentou en varias ocasións rebaixar os estándares alimentarios co fin de autorizar este tipo de prácticas. Pero ademais, a día de hoxe, están a centrarse en aprobar o acido peracético como primeiro desinfectante de carne aceptado na UE, un ácido que pode ser altamente corrosivo.
Os tratamentos de desinfección utilizados nos EE.UU. son máis prexudiciais para os consumidores. As prácticas que se seguen agora mesmo na Unión Europea son máis efectivas para protexer á cidadanía e aos traballadores de enfermidades como a salmonelose.
