Hoxe, 1 de decembro, dá comezo a Conferencia das Partes (COP) de Nacións Unidas en Lima, Perú. Trátase do último cumio climático de nivel político antes do encontro de París en 2015, onde se terá que chegar a un acordo para limitar o avance do cambio climático. Amigos da Terra recorda que é necesario que as emisións de gases de efecto invernadoiro empecen a descender de inmediato a nivel mundial e que o cumio de Lima debe despexar o camiño ao acordo de París.
“Todos nos acordamos del desastre de Copenhaguen de hace unos años“, advertiu Alejandro González, responsable de cambio climático e enerxía de Amigos de la Tierra en España. “Respecto a los aspectos legales y políticos es por tanto fundamental haber aprendido la lección y atar todos los cabos sueltos de las negociaciones aquí; en París no habrá tiempo. La ambición y el alcance del acuerdo tienen que venir determinados por la ciencia y no por los intereses de gobiernos e industria. Es decir, con el acuerdo todos los países tienen que comprometerse a realizar las medidas necesarias para reducir las emisiones de gases de efecto invernadero y garantizar que no se sobrepasará el umbral de 1.5º de aumento global de temperatura. Solo existe esta alternativa: la ciencia es muy clara sobre el límite de emisiones.”
Amigos da Terra considera que os países industrializados, historicamente responsables da maior parte das emisións, deben ser os que dean o primeiro paso para reducir de forma drástica as emisións e apoiar ao mesmo tempo o financiamento para a adaptación ao cambio climático e a loita contra a pobreza no resto do mundo.
A nosa organización recorda que nin a Unión Europea nin Estados Unidos nin China anunciaron compromisos que garantan a estabilidade climática. Tampouco hai sobre a mesa ningún tipo de cifra de financiamento ambicioso que permita loitar contra o cambio climático e garantir a seguridade da cidadanía aquí e nos países do Sur. Amigos da Terra denunciou neste sentido que nin sequera se alcanzaron os 10.000 millóns de dólares para os seguintes catro anos, mentres se seguen subvencionando con centos de miles de millóns os combustibles fósiles.
