Gustavo Duch, activista e defensor dun modelo alimentario máis xusto, publicou neste ano 2014 un novo libro tiitulado “Non imos tragar”. Nesta ENTREVISTA realizada no programa “Para todos la 2”, o autor sinala á especulación alimentaria, o acaparamento de terras ou a agroindustria como factores fundamentais que non permiten que as comunidades rurais da maior parte do planeta subsistan e vivan do seus cultivos.
O actual sistema alimentario xenera o que deu en chamar “exiliados rurais”, concepto que engloba a todas aquelas persoas sen acceso á terra ou que constitúen man de obra barata para a grande industria alimentaria. Dito sistema, baseado no beneficio económico privado, non só provoca empobrecemento nas comunidades do Sur global, senon que é mesmo que conleva problemas alimentarios (como o sobrepeso), nas sociedades do Norte, por mor do fomento dunha dieta abundante e excesivamente cárnica. En consecuencia, o fomento deste modelo de consumo, provoca a ocupación de terras no Sur Global para cultivo de cereais que sirvan de alimento para o gando. Especialmente preocupante é o caso da soia (case na súa totalidade transxénica), que se cultiva en grandes extensións de terras en sudamérica, e provoca a expulsión dos campesiños desta rexión, co único obxectivo de alimentar a demanda de carne das sociedades enriquecidas.
No tocante ao noso país, o autor destaca como exemplo a elevada demanda de peixe que se deriva deste modelo de dieta excesivamente rica en proteínas. Relaciona directamente o consumo excesivo de proteínas de peixe co esgotamento dos recursos pesqueiros, que provoca que durante as tres cuartas partes do ano o peixe que se consume en España teña que vir do exterior, non do noso litoral, afectando tamén á soberanía alimentaria dos países do Sur Global.
Segundo Duch, un 60% dos alimentos que consumimos proveñen do exterior, o que supón un grande impacto ambiental debido ás emisións de Gases de Efecto Invernadoiro derivadas do transporte de alimentos. En total, e tal e como recolle Amigos de la Tierra no seu informe Alimentos Quilométricos, o proceso industrial que vai dende a produción de alimentos ata que chegan á nosa mesa, xenera entre un 44% e un 57% do total das emisións. Deste xeito, a internacionalización da industria agroalimentaria provoca un importante impacto ambiental, contribíndo ao agravamento do cambio climático, ao que hai que engadir consecuencias sociais tales como a desigualdade e o empobrecemento das comunidades dos países empobrecidos.
