Está aberta a inscrición para o Campo de traballo internacional que levaremos a cabo no verán, do 1 ao 12 de agosto en As Corcerizas.
Amigos da Terra abre un espazo participativo para a formación práctica en bioconstrución a través de traballos colectivos que nos mostren como empregar materiais ecolóxicos para minimizar os impactos que xeneramos coa nosa forma de vida. Combinaremos estas actividades con outras relacionadas coa conservación do contorno natural e tamén con obradoiros, excursións, dinámicas grupais, etc. Apúntate a este espazo de reflexión e acción!
