A canle do regato de Vista Fermosa, na cidade de Ourense, ven sufrindo verquidos reiterados de augas residuais non autorizados dende fai mais de un ano e continuan na actualidade.
Amigos da Terra e a Plataforma Rios Limpos, que denunciaran en reiteradas ocasións a existencia dos verquidos de augas residuais nun regato de Vista Fermosa ao caron do paseo das Ninfas,
acaban de recibir no dia de hoxe a comunicación da Confederación Hidrográfica do Miño-Sil pola que se acordou incoar expediente sancionador contra o concello de Ourense.
Os feitos que se consideran probados son a realización de “verquidos de augas residuais entre o 07/11/2011 e 25/03/2012, procedentes da rotura dun colector do saneamento municipal, ocasionando danos valorados en 55.641,60 €, sen a precetiva autorización, impútandoselle ao concello de Ourense unha infracción administrativa da Lei de Augas e segundo o Regulamento do Dominio Público Hidráulico.
Destacamos da comunicación recibida pola que se sanciona ao concello de Ourense, a reiteración da conducta antixurídica e que por parte da administración ourensá de non previr os feitos contaminantes de ditos verquidos.
“A imposición deste tipo de sancións, constitúen unha parte da educación ambiental necesarias para previr actos contaminantes pero que serán del todo ineficaces senón se complementan coa concienciación e sensibilización algo que, ata o de agora, non mostran as administracións galegas respecto ao coidado do medio ambiente e ao cumprimento estrito das leis que o preservan”, expoñen dende os colectivos ecoloxistas.
Dende a Plataforma Rios Limpos e Amigos da Terra demandamos que as consecuencias xurídicas de tales vertidos non traspasan a imposición dunha mera sanción económica que, en moitos casos, non posúe o carácter exemplarizante que é de esperar deste tipo de penas por feitos que ben deberan cualificarse como delitos ecolóxicos cuia penalización é maior establecéndose inclusive penas de prisión.
