Entre o 8 de xaneiro e ata o vindeiro 29 vanse realizar as competicións para masacrar e rematar coa vida de centos de raposos en Galicia. O pasado xoves rematou oficialmente a tempada de caza menor na comunidade galega. Sen embargo, ábrese un periodo de excepcionalidades e irregularidades nos que se oficia e autoriza administrativamente a matanza de raposos fora da tempada legalmente establecida.
Manifesto Manifesto_2011_galego.doc
Baixo o despropósito de “Actividade deportiva” danse cita nesta tempada, previa á delicada tempada de cría e reprodución de moitas especies, miles de escopeteiros cuia actividade, financiada pola administración e lonxe de atender ao cumprimento dunha caza sostible, responde á perigosa e ameazante situación do manexo dunha arma de fogo en moitos casos, sen contar coa preceptiva autorización, levando a menores de 16 anos a cazar, conducindo baixo os efectos do alcohol, carecendo das licenzas correspondentes e ampliando a caza a zonas rentrinxidas e de seguridade para as persoas como son os camiños.
Os argumentos esgrimidos pola administración e polos membros da Federación Galega de Caza baséanse no censo masivo e presuntamente nocivo da poboación de raposos. Pero fontes oficiais ás que Amigos da Terra recorreron, recoñecen o complicado que é estimar a actual taxa de raposos en Galicia polo que a argumentación non arroxa unha estimación real senón posiblemente, engrosada.
O uso abusivo da actividade da caza como ocorre en Galicia, xa que son poucas as comunidades autónomas que celebran este tipo de campionatos e moito menos autorizan nos seus montes o campionato estatal, conleva a ameaza real da extinción de especies e dunha consecuente perda de biodiversidade xeral.
Quendas de Campionatos de caza de raposo:
Provincial de Lugo – 8 de xaneiro (sábado).
Provincial de A Coruña – 15 de xaneiro (sábado).
Provincial de Pontevedra – 15 de xaneiro (sábado).
Provincial de Ourense – 15 de xaneiro (sábado).
CAMPIONATO GALEGO – 22 de xaneiro (lugar por determinar).
CAMPIONATO ESTATAL – VIII COPA DE ESPAÑA de caza de zorro – 29 de xaneiro (lugar por determinar).
Ademáis destes campionatos existe outro numeroso tipo de batidas e “vedas parciais” que permiten que prosiga a actividade e o perigo no monte (xabaril, cervo…). Así seguen os tiroteos a partir desta data a causa das “vedas parciais”, os “ganchos”, “monterías”, “recechos”, acervo de nomenclaturas que esconden a trampa legal para que o negocio da caza e a morte de animais non se deteña.
Ao igual que todos os anos, movilizarémos e iremos ao monte para salvar o máximo de vidas posible.
Grupos que participan:
Abeiro, Adega, Amigos da Terra, Amigos de los Animales, Asociación COMETA, Asturias Verde, Ascel, CES Salnés, Centro Social A Formiga, Coto do Frade, Eucaliptos NON, Fin do Maltrato Animal, Fundación Altarriba, GAS Vigo, Huellas Cantabria, Libera, Matar por matar, NON, Pacma, Protectora Moura, Salva o Tren, SGHN, SOS Courel, SHAC Spain, Ecoloxistas Extremadura, SOS Hurones e UPAFGA (Union de Protectoras de Animales Federadas de Galicia).
