África móvese para frear os intentos dos países ricos de conseguir máis poder e para protexer os obxectivos de Quioto.
Comentando a oposición do Grupo Africano de Nacións (apoiado polo G77), a un intento escandaloso polos países ricos de borrar os obxectivos de Kioto en Copenhague, Nnimmo Bassey, Presidente de Amigos da Terra Internacional dixo: “Apoiamos as demandas dos países africanos para o cumprimento dos obxectivos de Quioto e a redución obrigatoria de emisións para os países ricos. Denunciamos as tácticas sucias de negociación dos países ricos que están a tentar cambiar as regras e conseguir acordos no seu propio beneficio. Os países desenvolvidos están a frear estas negociacións mentres África está a tentar avanzar cara a adiante “.
A Presidencia danesa había proposto para o día de onte para “consultas informais de presidencia “, o que pareceu ser un intento para pechar as dúas vías de negociación abertas en Copenhague e con iso «suprimir» o Protocolo de Quioto. Isto permitiría aos países ricos esquivar a redución obrigatoria das súas emisións.
