O encontro, que se levará a cabo na cidade francesa de Nantes entre o 9 e o 11 de outubro, está organizado polo Centre Culturel Franco Espagnol.
O programa inclúe a presentación de Amigos da Terra e a nosa intervención en diferentes mesas redondas. Presentaranse os proxectos de mozos europeos de diferentes asociacións chegadas de Bolonia, Estocolmo e mesmo Polonia e haberá un intercambio de experiencias: como interrelaciona Amigos da Terra con Europa en relación ao medio ambiente, proxectos e políticas ambientais.
Asemade, están programados talleres organizados pola radio local de Nantes e a charla de 4 testemuños presentando as impresións sobre o Foro.
Para rematar, celebrarase un encontro no Palacio de Congresos de Nantes sobre “Paroles d´europeens”.
Ao encontro asistirá a presidenta de Amigos da Terra, Judith Sing e a asesora xurídica, Montse Valencia.
