O día 15 Novembro, de 20 ás 20:05 horas, Amigos da Terra convócate a un APAGÓN XERAL, na túa casa, no teu lugar de traballo, na biblioteca, ou alí onde te atopes.
Este apagón xurde das distintas organizacións ecoloxistas presentes no estado, facéndoo coincidir na semana do 12 ao 16 de Novembro na que terá lugar a presentación en Valencia do informe de síntese correspondente ao 4º Informe de Avaliación do IPCC.
O motivo que nos leva a facer este apagón é a urxencia de actuar fronte ao Cambio Climático, facendo unha chamada ás empresas xeradoras de enerxía así como aos políticos e consumidores, sobre a necesidade de tomar medidas e actuar coherentemente para reducir as emisións de CO2 e así non superar os 2ºC que porían en perigo a vida tal e como a entendemos na actualidade.
